18 يوليو 2010

امتي تعرف ان اللي قدامك مهوس دينياً



لما طول الوقت تلاقية بيسخر من الغرب ومدي ماديتهم وحقارتهم .. ورغم كدة  بيركب عربياتهم وبتكلم في تليفونهم .. وبيستعمل كومبيوترهم .. وعايش في خيرهم
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑ 

لما تلاقية بيخش في جروب عالفيسبوك .. اسمة دعوة لمقاطعة الفيسبوك لمدة يوم .. كوسيلة للضغط علي الفيسبوك لتنفيذ مطالبة  
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑
لما يرفض يتعالج لان الله هو الشافي
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑
لما تسأله عن عقلة .. فيقولك الرد المستفز اياه : الحديث واضح وصريح
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما طول الوقت يفكرك بماضي من 1500 سنه .. ومستقبل غير معلوم ميعاده لكن معلومه احداثة
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما تسأله عن متوسط عمر الأنسان قديماً يقولك 950 سنه
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما تكلمه عن نظرية التطور فيضحك ويسخر منك كأنك نصاب .. ولما تسألة عن النظرية البديلة فتسمع قصص أغرب من الخيال
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما تتصل بيه وتقول :الو - فيرد يقول وعليكم السلام ورحمة الله وبركاته .. - لو سمحت عايز .... فيقاطعك
ويقول : وعليكم السلام ورحمة الله وبركاته
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما تقولة من هو المسيح .. فتسمع اغاني -  لكن المسيحية انشرت بعد كام سنة من موت المسيح .. يقولك معرفش
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما تكلمه في العلوم والتكنولجيا .. فيسكت شوية ويقولك : أعجاز علمي
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما يديك نصايح ازاي تعامل الأشخاص اللي مش من دينك ودينه
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما يفرض عليك تفسيرات احلام واحد عاش من 1500 سنه لمجرد انه كان شخص صالح .. ثم تكتشف ان رفضها هرطقة وخروج عن المسيحية
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑
لما طول الوقت يقولك الدليل علي كلامك فين .. وفي مرة تظبطه  بيقول لما الملايكة قالت للأرض هاتي حبة طين .. تسأله عن الدليل يقولك : دليل ايه يا ابني .. هي الحاجات دي محتاجة ؟
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما يقولك جملة : احمد ربنا انك اتولد .... فتقولة ان الجملة دي برضو بتتردد في البيت الهندوسي والبوذي .. فيقولك بس احنا صح
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما تفشل في شئ .. فتلاقية يعزيك بجملة في الجنة حتلاقي كل شئ .. اصبر
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما تلاقية يعمل غلط .. فتقوله هو مش كدة حرام يقولك : ان الله غفور رحيم .. ولما تعمل غلط يقولك : ان الله منتقم عظيم
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما يسمي مصيبته اختبار .. ومصيبة غيره انتقام وعقاب
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما يقبل التبرعات من الأديان الآخري عملا بمبدأ اللي يجي في الريش بقشيش .. ويرفض التبرع لهم عملاً بمبدأ الأقربون اولي بالمعروف
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما يقولك ان الديناصورات وجدت لاختبار ايمان الأنسان وان الأرض عمرها اقل من 10 الاف سنه
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما يقولك نكتة اولها مرة واحد مسيحي .. ويروح يعمل مظاهرة علي مسرحية مسيحية
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑

لما يعمل نغمة موبايله سورة قرانية .. وتجي تتصل بيه فيسبك ملطوع لحد ما السورة تخلص
❑❑❑❑❑❑❑❑❑❑❑❑❑ ❑❑❑❑❑❑❑❑❑❑❑❑❑
لما تكتشف ان المسيح في المرتبه السادسة عنده بين القديسين اللي بيلجأ ليهم وقت الشدة

هناك 3 تعليقات:

  1. إنت نسيت اهم حاجة
    كمية الرسايل اللي بتبعت ويوقلك إنت حلفت إنك هتنشرها ولو مبعتش الرسالة دي مش عارف كام مرة هيحصلك ايه وكمية القصص الخرافية اللي بتبعت عن إسلام مش عارف مين علشان اكتشف ايه

    ونسيت ربط الهوس الديني بالهوس الجنسي والشتائم المتعلقة بالعملية الجنسية والأعضاء التناسلية لو إنت كتبت حاجة فيها مجرد اختلاف مع الشيخ الفلاني أو العالم العلاني
    وإن غالباالشخص اللي بيعبت الرساتل الدينية هو برضه اللي بيبعت صور وأفلام إباحية
    وإن الشخص المصاب بهوس ديني عنده ازدواجية في الفكر ولازم يبص لكل حاجة من ناحيتين ناحية إذا كان ده من دينه ولا من دين مغاير

    علي فكرة أنا اسه جاي لي دعوة لمقاطعة الفيس بوك مش عارف يوم ايه علشان اقفل كام صفحة للمسلمين

    بس عيني عليك باردة شغال انت كتابة زي الفل وانا مكسل انزل مواضيع بس البوست جميل يا فريد
    :)

    ردحذف
  2. فعلا .. انا نسيت حكاية الرسائل والدعوات
    في كمية افكار نزلت عليا بعد ما عملت البوست
    بفكر اعمل جزء تاني :)

    شكرا علي مرورك يا معلم بتنور المدونة ديماً
    ;)

    ردحذف
  3. ما هو غالبا بعد ما بتكتب بوست بتلاقي نفسك تقول طيب لو عملت كده مش كان أحسن وكنت المفروض اقول كذا ونسيت ايه

    والمدونةمنورة بصحابها :)

    ردحذف